Манчестерликлар тўрт нафар футболчиси билан шартномани узайтирди
Улар жамоада 2024 йилгача қолади.
“Манчестер Юнайтед” бош мураббийи Эрик тен Хаг клуб тўрт нафар футболчиси, ҳимоячилар Диого Дало ва Люк Шоу, ярим ҳимоячи Фред, ҳужумчи Маркус Решфорд билан шартномани узайтирганини маълум қилди.
“Ҳа, буни тасдиқлашим мумкин. Биз хурсандмиз, чунки жамоа тўғри йўналишда кетмоқда ва бу футболчилар ҳам ишончни оқлашмоқда”, — дея бош мураббийнинг сўзларидан “қизил иблислар” матбуот хизмати иқтибос келтирди.
“Юнайтед” бир йиллик шартномани узайтириш вариантларини фаоллаштирди, унга кўра ўйинчиларнинг келишувлари 2024 йилнинг ёзигача амал қилади.
