Суарес Бразилия клуби билан келишувга эришди
Жамоа билан икки йиллик шартнома имзоланиши мумкин.
Луис Суарес 2023 йилни ҳам океан ортида ўтказишга яқин.
Goal хабарига кўра, Уругвай миллий жамоасининг 35 ёшли форварди тез орада Бразилия чемпионатида фаолият бошлайди. У “Гремио” клуби билан икки йиллик шартнома масаласида келишувга эришган. Суарес “Насьионал”дан эркин агент сифатида “Гремио”га кўчиб ўтади.
Маълумот учун, Луис 2022 йилги мавсумнинг иккинчи қисмини Уругвайнинг “Насьионал” клубида ўтказган эди.
Аввалроқ Суаресга Англиянинг “Астон Вилла” ва АҚШнинг “Интер Майами” клублари қизиқиш билдираётгани ҳақида хабарлар тарқалганди.
