Пике ўзининг клубида ўйнамоқчи
Бироқ, бу айрим қоидаларга тўғри келмайди.
“Барселона” ва Испания терма жамоасининг собиқ ҳимоячиси Жерар Пике футболчилик фаолиятини давом эттириш арафасида. Испаниялик футболчи ўзига тегишли бўлган “Андорра” клубида ўйнамоқчи. Бу ҳақда “Релево” нашри хабар берди.
Манбага кўра, Испания чемпионатининг иккинчи дивизионига тегишли бўлган “Андорра” клубининг молиявий қоидалари Пике фаолиятини қайта тиклашга халақит бериши мумкин. Айни дамда клуб Испания иккинчи дивизиони турнир жадвалида 10-ўринни эгаллаб турибди.
Эслатиб ўтамиз, 2022 йилнинг кузида 35 ёшли Пике Каталония клубидаги фаолиятини якунлаганини эълон қилган эди. Футболчининг сўнгги ўйини Испания Ла Лигасида “Осасуна” билан учрашув бўлди.
