Теннис олами ҳам урушга бефарқ эмас
"Australian Open" Украинага ёрдам учун пул йиғади.
16-январь куни “Катта дубулға” туркумига кирувчи мавсумнинг биринчи турнири – " Australian Open" мусобақаси бошланади. Ташкилотчилар Украинадаги урушни эътиборсиз қолдирмадилар.
Турнир бошланишидан олдин ҳам Украинани қўллаб-қувватлаш учун бир қатор хайрия ўйинлари ўтказилади.
Карлос Алкарас, Рафаел Надаль, Кори Гауфф, Мария Саккари, Александр Зверев, Френсис Тиафу ва Алекс де Минаур уларда ўйнаш истагини билдиришган.
"Тennis Plays for Peace" хайрия тадбири 11-январда "Rod Laver Arena"да бўлиб ўтади. Учрашувлар учун чипталар аллақачон сотувга чиқарилган.
Тадбирдан тушган барча маблағ урушдан жабр кўрган украиналикларга гуманитар ёрдам кўрсатадиган Австралиянинг UNICEF ва " Global Giving" фондига ўтказилади.
