“У футболдан ташқарига чиқди”

 

“Ал-Наср” президенти Мусалли Ал-Муаммар португалиялик ҳужумчи Криштиану Роналду билан шартнома имзолагани ҳақида фикр билдирди.

 

“Тушунмасдек кўринган шартнома суммаси ҳаддан ташқари ошиб кетди. Шартнома клуб учун тижорий жиҳатдан фойдали. Келгуси бир неча кун ичида сиз кўп нарсаларни ўрганасиз”, — дея “Goal” нашри Ал-Муаммарнинг сўзларидан иқтибос келтирди.

 

Роналдунинг “Ал-Наср” билан шартномаси 2025 йилгача мўлжалланган. 37 ёшли футболчи йилига 200 миллион евро ишлаб топади. Роналду “Ал-Наср”га ўтишдан олдин “Манчестер Юнайтед”да ўйнаган ва у 2022 йилнинг ноябрида шартномани бекор қилганди.