Конте катта лойиҳа бошлаган
У инглиз жамоасини бошқаришда давом этяпти.
“Тоттенҳем” бош мураббийи Антонио Конте жамоани тарк этиши мумкинлигини тан олди.
“Бу ерда менинг вазифам лигада ғалаба қозониш эмас, "Тоттенҳем"да мустаҳкам лойиҳа яратиш. Кейин бу ишни давом эттиришга аҳд қилсам ва бир кун келиб натижасини кўрсам, жамоада қоламан. Агар 100% ишончим комил бўлмаса, мен бу ердаги ишимни тарк этишим мумкин”, — дея журналист Фабрицио Романо мураббийнинг сўзларидан иқтибос келтирди.
Эслатиб ўтамиз, Конте 2021 йилнинг ноябрида “Тоттенҳем”ни бошқарган эди. Унинг клуб билан шартномаси 2023 йилгача мўлжалланган. “Тоттенҳем” ҳозирда 33 очко билан АПЛ турнир жадвалида 5-ўринда бормоқда. Жамоа пешқадам “Арсенал”дан 11 очко ортда қолмоқда.
