Мундиал антиқаҳрамони яна бир рекордни янгилади
У кеча жамоаси сафида гол урди.
“Тоттенҳем” ҳужумчиси Ҳарри Кейн Англия чемпионатининг 19-туридан ўрин олган “Кристал Пелас”га қарши ўйинда (4:0) иккита гол урди. Ўйин кеча “Селҳурст Парк” стадионида бўлиб ўтди.
29 ёшли ҳужумчи АПЛда урган голлари сонини 198 тага етказди. У турнирдаги дастлабки 300 учрашувда гол уриш бўйича “Уч шерлар”нинг собиқ ҳужумчиси Алан Ширернинг рекордини янгилашга муваффақ бўлди.
Ширер Премер-лигадаги дастлабки 300 ўйинида 196 та гол урган. Рўйхатнинг учинчи ўрнида “Манчестер Юнайтед”нинг собиқ ҳужумчиси Энди Коул 151 гол билан жой олган. Шунингдек, Кейн “шпорлар’ сафида барча мусобақаларда 264 гол урган.
