Роналду ҳали ўйин ўтказолмайди

 

Ўтган мавсумда “Эвертон” билан ўйиндан кейин “Манчестер Юнайтед” ҳужумчиси Криштиану Роналду ёш мухлислардан бирининг қўлидан телефонни тортиб олган воқеа Саудия Арабистони чемпионатида португалиялик футболчи учун яхши оқибатга олиб келмайди. “Daily Mail” нашрининг хабарига кўра, 37 ёшли ҳужумчи икки ўйинга дисквалификация қилинади.

 

FIFА қоидаларига кўра, битта лигада жорий қилинган тақиқ бошқа мамлакатлар чемпионатларига ҳам тегишли бўлиши керак. Ташкилот комиссиясининг қароридан сўнг Англия Премьер-лигаси халқаро танаффусга чиқди, шундан сўнг Роналду ва “Манчестер Юнайтед” ҳужумчи билан резонансли интервью туфайли шартномани бекор қилди. Шу боис, португалиялик ҳалигача жазо муддатини ўтамаган.

 

“Ал-Наср” бугун “Ал-Таэ” клуби билан навбатдаги ўйинни ўтказади, шундан сўнг, 14 январь куни клуб турнир жадвалидаги асосий рақиби “Ал-Шабаб” билан баҳс олиб боради.