Гвардиола “Челси”ни қандай мағлуб этганини айтди
Кеча лондонликлар “шаҳарликлар”га ютқазиб қўйди.
“Манчестер Сити” бош мураббийи Хосеп Гвардиола Англия чемпионатининг 19-туридан ўрин олган “Челси”га қарши ўйиндаги ғалаба ҳақида фикр билдирди. Лондондаги “Стемфорд Бридж” стадионида бўлиб ўтган учрашув меҳмонларнинг 1:0 ҳисобидаги ғалабаси билан якунланди.
“Биринчи бўлимда унчалик яхши ўйнамадик. Биз ўйинчиларимиз ҳимояда бешта бўлиб ўйнашга қарор қилсалар, майдонга мослаша оладиган таркибдан фойдаланишга қарор қилдик. Биринчи бўлимда жуда кўп курашдик. Иккинчи бўлимнинг биринчи дақиқасиданоқ ҳаммаси яхши тарафга ўзгарди. Бу уч очко биз учун жуда муҳим эди”, — дея Гвардиоланинг сўзларидан “BBC” нашри иқтибос келтирди.
“Челси” ва “Манчестер Сити” уч кундан кейин яна тўқнаш келади. 8 январь куни Манчестерда Англия кубоги 1/32 финали ўйини бўлиб ўтади.
