“Реал” яна катта трансфер режасини тайёрлаяпти
Бу галги нишон мундиал кашфиётларидан бири.
Хорватиялик ҳимоячи Жоско Гвардиол Мадриднинг “Реал” клуби эътибор доирасида бўлиб турибди. Журналист Алфредо Педулланинг ёзишича, Гвардиола учун биринчи бўлиб “Челси” тахминан 80 миллион евро таклиф қилган, кейин “Реал” 90 миллион евро тўлашга тайёрлигини билдирган. Бу сумма “РБ Лейптсиг” клубни ишонтира олмади. Кейин Мадрид клуби фаоллашди ва футболчининг трансфери бўйича иккита йиғилиш ўтказди.
Натижада, футболчи учун 120 миллион евро таклиф қилинди. “Манчестер Сити” ҳам Гвардиолга кўпроқ маош тўлашга тайёрлигини билдирди. Маош борасида “Челси” ҳимоячига йилига 9 миллион евро ва “Реал Мадрид” эса 6 миллион евро таклиф қилган.
Гвардиол Хорватия билан ЖЧ-2022да бронза медалларини қўлга киритди. Ҳимоячи жорий мавсумда Бундеслигада 13 та ўйинда майдонга тушган.
