Столтенберг: Россия ва Хитой ҳамкорлиги дунё тартиботига таҳдид туғдирмоқда
НАТО бош котиби икки давлатнинг яқинлашувига сабаб бўлаётган омилларни маълум қилди.
Россия ва Хитой ҳамкорлигининг кучайиши мавжуд дунё тартиботига таҳдид туғдирмоқда. Бу ҳақда НАТО бош котиби Йенс Столтенберг маълум қилди.
“Уларни мавжуд дунё тартиботини ўзгартириш истаги бирлаштириб туради. Гап шундаки, улар бизнинг қадриятларимизга қўшилмайди ва ўз манфаатларини ... ҳимоя қилишга ҳаракат қилмоқда. Хавфли дунёда альянс давлатлари биргаликда ҳаракат қилиши керак”, – деган у Норвегиядаги чиқишида.
Бош котибнинг сўзларига кўра, Пекиннинг Россиянинг Украинадаги ҳаракатларини қоралашдан бош тортгани икки давлатнинг бирлашувини кўрсатиб берди. Столтенберг Хитой НАТОни айбдор қилиб кўрсатаётганига эътибор қаратган.
У, шунингдек, Москва ва Пекин ҳарбий ва иқтисодий соҳаларда ҳамкорликни чуқурлаштирганини таъкидлаган.
