Рамос Бейл ҳақида гапирди
У собиқ футболчига кўплаб хотиралар учун раҳмат айтган.
“ПСЖ” ҳимоячиси Серхио Рамос “Реал”даги собиқ жамоадоши Гарет Бейлнинг футболчилик фаолиятини якунлаш ҳақидаги қарорига муносабат билдирди.
“Гарет, сиз билан жуда кўп яхши лаҳзаларни баҳам кўрганимдан жуда хурсандман. Фаолиятингиз давомида сиз ақл бовар қилмайдиган унвонларни қўлга киритдингиз, кўплаб голлар урдингиз ва кўплаб хотиралар қолдирдингиз. Сизга янги ҳаёт босқичида омад тилайман”, — деди Рамос.
Бейлнинг фаолиятидаги сўнгги клуби “Лос-Анжелес” бўлди. Аввалроқ футболчи “Саутгемптон”, “Тоттенҳем” ва “Реал” клубларида ўйнаган. Испания клуби таркибида Бейл беш марта UEFА Чемпионлар лигасида ғолиб чиққан.
