“ПСЖ” етакчиларининг биридан қутулмоқчи
Бу сафар клубнинг нияти жиддий.
“ПСЖ” Неймарни 2023 йилнинг ёзида 100 миллион еврога сотишга тайёр. Бу ҳақда “Спорт.эс” нашри хабар берди. Парижликлар асосий эътиборни Лионел Месси ва Килиан Мбаппега бериб, спорт лойиҳасини ислоҳ қилиш ниятида. Бундан ташқари, клуб иш ҳақини қисман туширишга қарши эмас. Неймарнинг мавсумига 40 миллион евролик шартномасидан қутулиш бунга ёрдам беради. “ПСЖ” учун катта харажатлар ҳеч қачон муаммо бўлмаган. Сабаби жамоанинг асосий даромад манбалари жуда кўп. Аммо Неймар билан хайрлашиш клубнинг фойдасига ишламаслиги мумкин. Бразилиялик футболчи бу мавсумда ажойиб ўйин кўрсатмоқда. Неймар 2022 йилда “гол+пас” тизими бўйича 52 очко тўплаган (42 ўйинда 32+20). Мбаппе ва Месси кўпроқ 56 ўйинда 73 (56+17) ва 51 учрашувда 65 (35+30). Аммо бразилиялик футболчининг ўйини ҳали ҳам ажойиб. Неймар ўзини иккита супер юлдузли жамоада йўқотиб қўйгани йўқ. Йилнинг иккинчи ярмида у плеймейкер сифатида яхши ўйинлар кўрсатди.
Неймар жорий мавсумда барча турнирларда 21 та ўйинда майдонга тушиб, 15 та гол урди ва 13 та голли узатмани амалга оширди. Футболчи 1-лигада 15 та ўйин ўтказиб, 11 та гол ва 10 та голли узатмага муаллифлик қилган. Форвард ажойиб рекорд ўрнатди: Неймар Европанинг топ-5 лигаларида (АПЛ, Ла Лига, Бундеслига, А Cерия, Лига 1) камида 10 та гол урган ва 10 та голли узатмани амалга оширган биринчи футболчига айланди. Неймар Мбаппе ва Мессининг ўйинида асосий воситачи ҳам бўлиши мумкин. Бразилиялик футболчи “Гоал” нашрига кўра, Лео, Килиан, Эрлинг Ҳоланд ва Роберт Левандовски билан бирга “Олтин тўп”га даъвогарлар бешлигидан жой олган. Ажабланарлиси шундаки, бразилиялик ҳужумчи “ПСЖ”да номинал учинчи ҳужумчидир.
Неймар билан хайрлашиш режаларини фақат аҳмоқлик деб аташ мумкин. “ПСЖ” албатта унинг ўрнига яна бир юлдуз футболчи олади. “ЭСПН” асосий номзод сифатида “Ливерпул”дан Муҳаммад Салоҳни кўрсатмоқда. Клуб унинг учун тахминан 100 миллион евро тўламоқчи. Лекин нима учун аллақачон мукаммал ишлаётган механизмни йўқ қилиш керак? Салоҳ билан бир хил савиядаги футболчининг трансфери борасида келишиб бўлмаслиги ҳам аён.
Неймар “ПСЖ”ни тарк этишни истамаяпти
“ПСЖ” Неймарни 2017 йилнинг ёзида “Барселона”дан 222 миллион евро эвазига жаҳон футбол рекорди эвазига сотиб олганди. Ўйинчининг шартномаси 2026 йилгача амал қилади ва яна бир мавсумга узайтириш имкониятини ўз ичига олади. Клуб ўтган ёзда Неймарни сотишга ҳаракат қилганди. Ўшанда бразилиялик ҳужумчи Мбаппе билан зиддиятга тушиб қолганди. Сабаби шартнома узайтирилганидан кейин Килианга кадрлар масаласида алоҳида ваколатлар берилган. Мбаппе “ПСЖ” Неймардан қутулишини хоҳларди. Бразилиялик футболчи учун жамоа 150 миллион евро сўрашган, аммо маълум бўлишича, ҳеч ким бунча пул тўлашга тайёр эмас. 100 миллион еврога баҳоланаётган футболчини кўпгина топ жамоалар сотиб олиши мумкин. Айниқса, 2022/2023 йилги мавсумда 30 ёшли ҳужумчи жароҳатлардан тўла қутилди ва ажойиб статистика кўрсатди. “Челси”, “Манчестер Сити” ва “Манчестер Юнайтед” каби премьер-лиганинг топ клублари доимо Неймарга қизиқиш билдирган.
“ПСЖ” спорт директори Луис Кампос бразилиялик футболчини таркибда сақлаб қолмоқчи бўлди ва Килианнинг жамоадошига нисбатан позициясини юмшатиш учун кўп иш қилди. Кампос, бош мураббий Кристоф Галтиер ва президент Носир Ал-Хелайфи Мбаппе ва Неймар билан бир неча марта юзма-юз учрашишди. Шунда улар ўзаро яхши муносабатда бўлишликка келишиб олишди. Ҳозирча ҳаммаси жойида.
“Марcа” хабарига кўра, Неймарнинг ўзи Мбаппе билан келишмовчиликларни ҳисобга олса ҳам, “ПСЖ”дан кетишни истамайди. Биринчидан, молиявий сабабларга кўра: бошқа клуб ҳам худди шундай зўр шароитларни тақдим эта олмайди. Бироқ, бразилиялик ҳужумчи Парижда яшаш ва Галтиер қўл остида ўйнашни ҳам ёқтиради. Неймар 2017 йилдан буён “ПСЖ” таркибида 165 та ўйинда 115 та гол урган ва 73 та голли узатмани амалга оширган. Сўнгги пайтларда Неймар яхши ўйин кўрсатмоқда. У жорий мавсумда ўртача ҳар бир ўйинда деярли 1,5 та самарали ҳаракат қилмоқда. Бундай буюк футболчини сотиш нотўғри бўлади.
