Англия лига кубогининг навбатдаги босқичига қуръа ташланди
Ўйинлар 23 январдан старт олади.
Англия лига кубоги ярим финалига қуръа ташланди. Унинг натижаларига кўра қуйидаги ярим финал жуфтликлари шакллантирилди:
“Саутгемптон” – “Нюкасл”
“Ноттингем Форест” – “Манчестер Юнайтед”.
1/2 финал босқичида жамоалар ўзаро иккита ўйинда майдонга тушишади. Дастлабки ўйинлар 23 январда, жавоб ўйинлари 30 январда бўлиб ўтади.
Эслатиб ўтамиз, 1/4 финал учрашувида “Манчестер Юнайтед” “Чарлтон Атлетик”ни ишончли тарзда мағлуб этганди. Ўйин қизил иблисларнинг 3:0 ҳисобидаги йирик ғалабаси билан якунланди. “Ноттингем Форрест” эса пенальтилар cериясида “Вулверхемптон”ни мағлуб этди.
