Каземиро Тен Хагни мақтади
У мураббийни ақлли деб атаган.
“Манчестер Юнайтед” ярим ҳимоячиси Каземиро жамоа бош мураббийи Эрик тен Хаг ҳақида ўз фикрлари билан ўртоқлашди.
“У жуда ақлли мураббий. Тен Хаг ҳар бир футболчидан нимани талаб қилиши мумкинлигини билади. У мендан қила олмайдиган нарсани сўраяпти, демаган бўлардим. У ғалаба қозониш билан банд мураббий. Фаолиятим давомида дуч келган кам сонли мураббийлар худди шундай хусусиятга эга бўлган. Тен Хаг клубга яқинда қўшилган эди, у ўз фалсафасини амалга ошириш жараёнини давом эттирмоқда. У доимо ғалаба қозонишни истайдиганлардан бири: машғулотларда ҳам доим энг яхшисини хоҳлайди”, — дея “Миррор” нашри футболчининг сўзларидан иқтибос келтирди.
Каземиро жорий мавсумда “қизил иблислар” сафида барча турнирларда 26 та ўйинда майдонга тушиб, 2 та гол ва 4 та голли узатмага муаллифлик қилган.
