“Роналду тўғри қарор қилди”
Анчелотти футболчининг қарорини ижобий қабул қилди.
“Реал” бош мураббийи Карло Анчелотти португалиялик ҳужумчи Криштиану Роналдунинг “Ал Наср”га ўтиши ҳақида гапирди.
“Мен Криштианунинг жуда мотивацияли ва бахтли эканлигини кўрдим. Менимча, у “Ал-Наср”га ўтиб, тўғри қарор қилди”, — дея “Мундо Депортиво” нашри мураббийнинг сўзларидан иқтибос келтирди.
Роналду “Ал Наср”га 2022 йилнинг декабрь ойи охирида келиб қўшилганди. Ҳужумчининг клуб билан шартномаси 2,5 йилга мўлжалланган ва мавсумига тахминан 200 миллион евро маош олади. Бунгача Роналду “Спортинг”, “Манчестер Юнайтед”, “Реал” ва “Турин”нинг “Ювентус” каби клубларида тўп сурган.
Эртага, 15 январь куни Испания Суперкубоги финали бўлиб ўтади ва унда “Реал” “Барселона” билан ўйнайди.
