“ПСЖ” президенти Салоҳ билан учрашди
Суҳбат тафсилотлари ҳозирча сир.
“ПСЖ” президенти Носир Ал-Хелайфи “Ливерпул”нинг мисрлик ҳужумчиси Муҳаммад Салоҳ билан “мерсисайдликлар”нинг “Брентфорд”га (1:3) қарши ўйинидан сўнг учрашган. Бу ҳақда журналист Исмоил Маҳмуд ўзининг ижтимоий тармоқдаги саҳифасида маълум қилди. Ҳозирча суҳбат тафсилотлари номаълумлигича қолмоқда.
Эслатиб ўтамиз, аввалроқ Париж клубига эгалик қилувчи “Qatar Sports Investments” (QSI) компанияси “Ливерпул” ҳужумчисини сотиб олиши мумкинлиги ҳақида хабарлар тарқалган эди.
Англия премьер-лигасининг жорий мавсумида мисрлик футболчи “Ливерпул” сафида 18 та ўйин ўтказиб, 7 та гол урди ва 4 та голли узатмани амалга оширди.
“Қизиллар” 18 ўйиндан кейин 28 очко билан турнир жадвалида бор-йўғи 9-ўринда бормоқда.
