Навас Роналду ўйнаётган “Ал-Наср”га ўтишни истамаяпти
У ёзги трансфер ойнасини кутмоқчи.
“ПСЖ” дарвозабони Кейлор Навас “Ал-Наср”га ўтиш ниятида эмас. Бу ҳақда “РМC Спорт” нашри хабар берди.
Манба берган хабарга кўра, клуб дарвозабонни кузатиб бормоқда, бироқ футболчининг ўзи Европада ўйнашни давом эттирмоқчи ва ёзги трансфер ойнасини кутмоқчи.
Бунгача Навас “Ал-Наср” лойиҳаси ҳақида билиш учун португалиялик ҳужумчи Криштиану Роналду билан гаплашгани хабар қилинганди. Эслатиб ўтамиз, Навас 2019 йилда “Реал”дан “ПСЖ”га ўтган эди. Дарвозабоннинг парижликлар билан амалдаги шартномаси 2024 йилнинг ёзига қадар тузилган. Айни дамда футболчининг трансфер қиймати 5 миллион еврога баҳоланмоқда.
Жорий мавсумда Навас Франция чемпионатининг битта учрашувида иштирок этди.
