Ангренда ўқитувчилар қор тозалашга олиб чиқилди
Ижтимоий тармоқларда тарқалган хабарлар юзасидан Мактаб ва мактабгача таълим вазири муносабат билдирди.
Ангрен прокурорининг зўраки ва оғзаки топшириғи билан 22-мактаб ўқитувчиларига қор тозалатган.
Мактаб ва мактабгача таълим вазири ижтимоий тармоқларда кенг муҳокамаларга сабаб бўлган вазият юзасидан Бош Прокуратура раҳбарияти билан гаплашгани ва ҳолат айни дамда назоратга олиниб, ўрганилаётганини маълум қилди.
«Президентимизнинг тегишли Қарорларига асосан педагог ходимларини хизмат мажбурияти билан боғлиқ бўлмаган ишларга жалб қилиш қатъиян тақиқланганини эслатиб ўтаман.
Ўқитувчи қадрланмаган юрт ҳеч қачон тараққий этмайди. Шу боис барчадан жумладан мутасадди раҳбарларимиздан бугун Давлатимиз Раҳбари томонидан олиб борилаётган ўқитувчиларни улуғлаш ва жамиятда энг обрўли инсон қилиш Давлат сиёсатини қўллаб-қувватлаб, бу борада энг аввало ўзимиз ўрнак кўрсатишимизни сўраб қоламан», — деган Ҳилола Умарова.
