Артетага катта ишонч билдирилмоқда
Мураббий Камавингани қўлга киритмоқчи.
“Реал” ярим ҳимоячиси Эдуардо Камавинга жамоасини ўзгартириши мумкин. Футболчи “Арсенал”нинг қизиқишлари доирасида бўлиб турибди.
“Эвенинг Стандард” нашрининг хабарига кўра, лондонликлар франциялик ярим ҳимоячини ижарага олмоқчи. “Реал Мадрид” ҳали жавоб бермади, аммо ярим ҳимоячига ўйин вақти етишмаяпти.
Лондон клуби хўжайинлари мураббий Микел Артетани трансфер бозорида қўллаб-қувватлашга тайёр, чунки “Арсенал” 2004 йилдан бери биринчи марта Премьер-лига чемпионлиги учун жиддий курашга қўшилган.
Эдуардо Камавинга жорий мавсумда “Реал” сафида 27 та ўйинда майдонга тушди. Трансфермаркт портали футболчининг нархини 50 миллион еврога баҳоламоқда.
