Клопп учун бу 1000-ўйин бўлади
Мураббий 2001 йилдан бери фаолият олиб бормоқда.
Бугун Англия премьер-лигасининг 21-тур учрашувида “Ливерпул” ҳамда “Челси” жамоалари тўқнаш келишади. Жамоалар Ливерпулдаги “Энфилд” стадионида баҳс олиб боришади. Унда “Ливерпул” бош мураббийи Юрген Клопп мураббий сифатидаги 1000-ўйинини ўтказади. Бу ҳақда инглиз клуби расмий сайти хабар берди.
Клоппнинг илк ўйини 2001 йил 28 февралда бўлиб ўтган, ўшанда унинг “Майнс” жамоаси “Дуйсбург”ни 1:0 ҳисобида мағлуб этган. 2008 йилда эса Дортмунднинг “Боруссия” клуби бош мураббийи бўлди. Жамоа билан Клопп икки марта Бундеслигада ғолиб чиққан (2010/2011, 2011/2012). 2015 йилда германиялик мураббий “Ливерпул”ни бошқариб келмоқда. Инглиз клуби мамлакат чемпиони (2019/2020) ва Чемпионлар лигасида (2018/2019) ғолиб чиқди. Клопп “Ливерпул” бош мураббийи сифатида 410 ўйин ўтказди: 249 ғалаба, 92 дуранг ва 69 мағлубият (60,7% ғалаба).
