Зидан “аҳволи оғирлашаётган” “Ювентус”ни бошқаришни истаяпти
Бунинг учун у бешта терма жамоада ишлашдан бош тортган.
“Реал”нинг собиқ бош мураббийи Зинедин Зидан 1996 йилдан 2001 йилгача ўзи тўп сурган Туриннинг “Ювентус” клубини бошқаришни истамоқда. Бу ҳақда Франциянинг “L'Equipe” нашри хабар бермоқда.
Манбага кўра, Зидан фақат “Ювентус”да ишлашни хоҳлайди. Бироқ туринликлар раҳбарияти Массимилиано Аллегрига ишониб, бош мураббийни алмаштириш имкониятини кўриб чиқмаяпти. Шунингдек, Зидан “кекса синёра”ни бошқариш имкониятини кутган ҳолда бешта терма жамоада ишлаш таклифини рад этгани маълум бўлди. Француз футболи афсонаси Португалия, Бразилия, АҚШ, Қатар ва БАА терма жамоаларига мураббийлик қилишдан бош тортган.
