Япониялик футболчи АПЛдаги энг яхши трансфер

 

“Манчестер Юнайтед”нинг собиқ ҳужумчиси Майкл Оуэн япониялик ярим ҳимоячи Каору Митоманинг “Брайтон”га ўтганини Премьер-лиганинг мавсумдаги энг яхши трансфери деб таърифлади.

 

“Митома Лестер Сити дарвозасига яна бир ажойиб гол урди. Ҳоланд мавсумнинг энг яхши трансфери бўлиши керак эди, аммо мен айтмоқчиманки, Митома пул қийматига асосланган энг яхши харид сифатида тан олиниши керак”, — деб ёзди Оуэн ўзининг ижтимоий тармоқдаги саҳифасида.

 

Митома Премьер-лигадаги дебютини 2022 йилнинг августида “Брайтон” таркибида ўтказди. Умуман олганда, япониялик футболчи клуб сафида барча мусобақаларда 18 та ўйинда майдонга тушиб, бешта гол урди ва иккита голли узатмани амалга оширди. Ҳужумчи Эрлинг Ҳоланд “Манчестер Сити” сафида Премьер-лиганинг 18 ўйинида қатнашиб, 22 та гол урди ва 3 та голли узатмани амалга оширди.