Япония бош вазири Ким Чен Ин билан учрашишга тайёр

 

Япония бош вазири Фумио Кисида Шимолий Кореянинг ракета синовлари кўпайганидан хавотирда. Бироқ, у КХДР  етакчиси Ким Чен Ин билан олдиндан ҳеч қандай шартларсиз шахсан учрашишга тайёр.

 

Бу ҳақда бош вазир парламент қуйи палатасининг ялпи мажлисида асосий нутқ сўзлаб, тегишли баёнот билан чиқди.

 

"Шимолий Корея томонидан мисли кўрилмаган баллистик ракета учирилишининг частотасини мутлақо қабул қилиб бўлмайди. Биз учун барча масалалардан энг муҳими одам ўғирлашдир, бу жиддий гуманитар муаммо. Биз барча ўғирланганларнинг тезроқ ўз жойларига қайтишини таъминлаш учун барча имкониятлардан фойдаланамиз. Мен ўзим раис Ким Чен Ин билан ҳеч қандай шартларсиз тўғридан-тўғри учрашишга аҳд қилдим”, — деди у.

 

КХДР разведка хизматлари томонидан японларнинг ўғирлаб кетилиши мавзуси расмий дипломатик алоқаларга эга бўлмаган икки давлат муносабатлардаги энг оғриқли мавзулардан бири ҳисобланади. 2002 йилда Пхеньян илк бор 13 нафар япон фуқароси ўғирлаб кетилганини тан олди ва улардан беш нафарига ўз ватанига қайтишга рухсат берди. Қолганлари ўлган деб эълон қилинди, уларнинг яқинларига қолдиқлари жўнатилди, аммо уларнинг ҳақиқийлигини тасдиқлаб бўлмади. 2014 йил май ойида Япония ва КХДР ҳукуматлари япон фуқароларининг ўғирланиши бўйича янги тергов ўтказишга келишиб олдилар, бироқ кейинчалик Пхеньян ташаббуси билан бунга алоқадор комиссия тарқатиб юборилди.

 

Шимолий Корея 2022 йилда рекорд даражадаги 70 дан ортиқ ракета учирди.