Эрдоған Швецияни НАТОга киритмоқчи эмас
Туркия Швеция муносабатларида кескинлик кучайди.
Туркия президенти Ражаб Тоййиб Эрдоған Стокгольмни Швециянинг НАТОга кириши учун Анқара кўмагига умид қилмаслик кераклиги ҳақида огоҳлантирди. Бу баёнот қироллик пойтахтида Туркия элчихонаси олдида Қуръон ёқиб юборилганидан сўнг янгради.
“Мамлакатимиз элчихонаси олдида бундай шармандали ишга қўл урганлар энди НАТОга аъзо бўлиш аризаси борасида бизнинг хайрихоҳлигимизга умид қила олмаслиги аниқ.Бундай бўлиши мумкин эмас. Биздан бундай ёрдам кутманг”, — дейди Туркия раҳбари.
У Стокгольмдан террор ташкилотларига қарши курашда Туркия олдидаги мажбуриятларини тўлиқ бажаришини кутишини таъкидлади.
Айни пайтда Туркияда Швецияга қарши намойишлар бошланди.
