Мане “ПСЖ”га қарши ўйнамайди
У жароҳатидан тўлиқ халос бўлгани йўқ.
“Бавария” ҳужумчиси Садио Мане Чемпионлар лигаси плей-офф босқичининг биринчи ўйинини ўтказиб юборади.
Германия клуби футболчиси катта эҳтимол билан 14 февраль куни бўлиб ўтадиган “ПСЖ”га қарши биринчи ўйинда иштирок эта олмайди. У жаҳон чемпионатидан олдин олган жароҳатидан тикланишда давом этмоқда.
“Мундо Депортиво” хабарига кўра, Мюнхен клуби сенегаллик футболчининг тикланиш жараёнини тезлаштиришга ҳаракат қилмоқда, бироқ унинг Чемпионлар лигаси 1/8 финалининг биринчи ўйинида иштирок этиши деярли мумкин эмас.
“Бавария” ва “ПСЖ” ўртасидаги жавоб учрашуви 8 март куни бўлиб ўтади.
Бундеслиганинг жорий мавсумида Мане 14 та ўйинда майдонга тушиб, 6 та гол урди ва 3 та голли узатмани амалга оширди.
