Тўртта номзод бор
Танлов ҳали ҳам давом этмоқда.
Бразилия терма жамоаси бош мураббийлигига 4 нафар номзод бор.
"Cадена Сер" нашрининг хабарига кўра, Карло Анчелотти, Жозе Моуриньо, Зинедин Зидан ва Луис Энрике Бразилия терма жамоасини бошқариши мумкин.
Илгари номзодлар рўйхатида Пеп Гвардиола ва Юрген Клопп ҳам бор эди, аммо энди бу мутахассислар Бразилия футбол конфедерацияси режаларига киритилмаган.
Анчелоттининг “Реал”да, Моуриньонинг эса “Рома”да ишлаши музокараларни мураккаблаштирмоқда. Зидан энди ишга қайтишга унчалик қизиқмаяпти. Буларнинг барчасини ҳисобга олсак, Бразилия терма жамоаси мураббийлигига энг яққол номзод бу Энрике.
Қайд этилганидек, мамлакат футбол конфедерацияси президенти Эдналдо Родригес терма жамоага маҳаллий эмас, хорижлик мураббий керак, деб ҳисобламоқда.
