“Челси” Фернандесга 100 миллион евро таклиф қилди
Аввалроқ бу трансфер рад этилганди.
“Calciomercatoweb” хабарига кўра, “Челси” Лиссабоннинг “Бенфика” клубига ярим ҳимоячи Энсо Фернандес учун таклиф билан чиқди.
Қайд этилишича, инглиз клуби аргентиналик футболчи эвазига 100 миллион евро, шунингдек, марокашлик футболчи Ҳаким Зиешни таклиф қилади. “Бенфика” аввалроқ “Челси”нинг Фернандесни сотиб олишга уринишларини рад этганди. Аргентиналик учун товон пули миқдори 120 миллион евро қилиб белгиланган.
Эслатиб ўтамиз, Фернандес Аргентина терма жамоаси таркибида 2022 йилда жаҳон чемпиони бўлганди. Ўтган турнирнинг энг яхши ёш футболчиси сифатида ҳам эътироф этилди. Фернандес жорий мавсумда “Бенфика” сафида 28 та ўйинда майдонга тушиб, 4 та гол урди ва 6 та голли узатмани амалга оширди.
