“Барселона”нинг собиқ ҳужумчиси араб клубига ўтади
Музокаралар бошланган.
Испаниялик вингер Кристиан Телло профессионал фаолиятини Саудия Арабистони чемпионатида давом эттиради. “Ал-Фатеҳ” “Барселона”нинг собиқ футболчиси учун янги иш жойига айланади. 31 ёшли футболчининг жамоа билан тузган шартномаси 2024 йилнинг охиригача мўлжалланган.
Каталониялик собиқ футболчининг аввалги иш жойи американинг “Лос-Анжелес” клуби эди. “Барса” сафида Кристиан 2011 йилдан 2017 йилгача ўйнаган. Умуман олганда, Телло “Барселона” сафида 86 та ўйин ўтказиб, 20 та гол урган ва 14 та голли узатмани амалга оширган.
Қўшимча қиламизки, “Ал-Фатеҳ” Саудия Арабистони чемпионати турнир жадвалида 9-ўринда бормоқда.
