Навбат қирувчи самолётларгами?
Ғарб Украинага авиация техникаларини жўнатиши мумкин.
Ғарб давлатлари Украинага қирувчи самолётлар етказиб бериш бўйича ички муҳокамалар ўтказмоқда. Шу билан бирга Politico нашрининг ёзишича, улар бу ҳаракатнинг эскалацияни кучайтиришидан хавотирда.
“Қирувчи самолётлар навбатдаги мантиқий қадам бўларди”, – деган Шимолий европалик дипломатлардан бири.
Вашингтон ҳозирги босқичда самолётлар етказиб бериш ҳақида гап кетмаётганини таъкидлаган. Асосан, Украина ва Болтиқ давлатлари бу қадамни ташлашга чақирмоқда.
Яна бир дипломатик манбалардан бири қирувчи самолётлар етказиб бериш ҳақида тасаввур ҳам қилиб бўлмаслигини айтган.
Эслатиб ўтамиз, кеча АҚШ ва Германия Украинага танклар етказиб беришга розилигини маълум қилган. Тез орада можаро зонасида илк Ғарб танклари пайдо бўлиши кутилмоқда.
Киев анчадан буён НАТО давлатларидан қирувчи самолётларни сўраб келади. Шу вақтга қадар бу сўровларга ижобий жавоб берилмаган.
