“Бу жамоани мағлуб этмасак, фалокат юз беради”
Хави навбатдаги ўйин ҳақида гапирди.
“Барселона” бош мураббийи Хави Ла Лиганинг 19-турида “Жирона”га қарши ўйиндан олдинги умидлари билан ўртоқлашди.
“Ўтган мавсум билан солиштирганда, Ла Лигада етакчилик қилиш, Қирол кубоги ярим финалига чиқиш ва Суперкубокни қўлга киритиш жуда яхши. Ажойиб ҳолатдамиз. Зўр давр. Кейинги баҳсда “Жирона”ни мағлуб этишимиз керак. Агар ғалаба қозона олмасак, бу фалокат бўлади”, — деди Хави.
Эслатиб ўтамиз, кўканорранглилар 44 очко жамғариб, Ла Лига турнир жадвалининг биринчи поғонасида бормоқда. “Реал Мадрид” иккинчи ўринда, Мадрид клубида 41 очко бор.
“Жирона” – “Барселона” учрашуви бугун, 28 январь куни бўлиб ўтади.
