Канте “қайтмоқда”
У Чемпионлар лигасининг навбатдаги ўйинида қатнашиши мумкин.
“Челси” ярим ҳимоячиси НьГоло Канте Чемпионлар лигаси 1/8 финалида Дортмунднинг “Боруссия”сига қарши ўйинда майдонга тушиши мумкин. Бу ҳақда “The Sun” нашри хабар бермоқда.
Канте февраль ойида жароҳатидан тикланиши керак. “Челси” бош мураббийи Грем Поттер ва Лондон клуби футболчининг 15 февраль куни бўлиб ўтадиган Чемпионлар лигаси 1/8 финалининг биринчи ўйинида иштирок этишига умид қилишмоқда. Бироқ, Канте фақат иккинчи ўйинда ўйнаши мумкин. Жавоб ўйини 7 март куни бўлиб ўтади.
Аввалроқ Канте мавсум якунида “Челси”ни тарк этиши мумкинлиги ҳақида хабарлар тарқалган эди. Футболчига “Барселона” қизиқаётган эди.
31 ёшли Канте 2016 йилдан буён “Челси”да тўп суради. Умуман олганда, Канте “кўклар” сафида 262 та ўйин ўтказиб, 13 та гол урди ва 15 та голли узатмани амалга оширди.
