“Бавария” Канселуни сотиб олмоқчи
Клуб футболчини анчадан бери кузатиб келмоқда.
Мюнхеннинг “Бавария” клуби “Манчестер Сити” ҳимоячиси Жоау Канселуни сотиб олмоқчи. Бу ҳақда “The Athletic” журналисти Девид Орштейн хабар берди.
Манбага кўра, “Бавария” португалиялик ҳимоячини ижарага олмоқчи, ижара шартномасида Канселуни қайта сотиб олиш имкониятини белгилаб қўйган. Қайд этилишича, Мюнхен клуби футболчини узоқ вақтдан буён кузатиб келмоқда.
28 ёшли Канселу 2019 йилдан буён “Манчестер Сити” сафида тўп суради. Португалиялик футболчи инглиз клуби сафида жами 154 та ўйин ўтказиб, 9 та гол урган ва 22 та голли узатмани амалга оширган. Аввалроқ Канселу “Бенфика”, “Интер”, “Валенция” ва “Ювентус” клубларида тўп сурган. Трансфермаркт ҳимоячини 70 млн еврога баҳоламоқда.
