“Эвертон”га бош мураббий тайинланди
У аввал “Бёрнли”ни бошқарган.
Англиялик мутахассис Шон Дайч “Эвертон”га бош мураббий этиб тайинланди. Бу ҳақда Ливерпул шаҳри клуби расмий сайти орқали маълум қилди. Дайч аввалроқ жамоанинг қониқарсиз ўйини туфайли ишдан бўшатилган Френк Лемпарднинг ўрнини эгаллади.
Дайч 2024/2025 йилги мавсум охиригача шартнома имзолади. Янги мураббий жамоа бошқарувидаги илк учрашувини Англия премьер-лигасининг 22-турида ўтказади. Унда жамоа “Гудисон Парк”да “Арсенал” билан учрашади. Ўйин 4 февраль куни бўлиб ўтади.
Дайчнинг сўнгги иш жойи ҳозир Чемпионшипда ўйнайдиган “Бёрнли” бўлган. Унинг шарофати билан клуб 2017/2018 йилги мавсумни еттинчи ўринда якунлади, шунингдек, Европа Лигасида ҳам иштирок этди.
