Магуайр Италия чемпионатига ўтади
Унинг “Манчестер Юнайтед” билан икки йиллик шартномаси бор.
“Интер” “Манчестер Юнайтед” ҳимоячиси Гарри Магуайрни ижарага олиш мумкинлигини аниқлаш учун клубга мурожаат юборди. Бу ҳақда “Daily Mail” нашри хабар бермоқда. “Милан” клуби шартномани қишки трансфер ойнаси тугагунига қадар ёпишдан манфаатдор.
Магуайр жорий мавсумда Премьер-лигада 8 та ўйинда майдонга тушди. “Манчестер Юнайтед” 20 ўйиндан кейин 39 очко билан 2022/2023 йилги Премьер-лига турнир жадвалида тўртинчи ўринни эгаллаб турибди.
Эслатиб ўтамиз, Магуайр 2019 йилнинг ёзида “Лестер”дан 87 миллион евро эвазига “Манчестер Юнайтед”га ўтганди. Бу унинг позициясидаги футболчи учун тўланган энг катта сумма ҳисобланади. Томонлар ўртасидаги келишув 2025 йилнинг ёзига қадар мўлжалланган.
