Украина можаросида ташаббус кимнинг қўлида?
Экспертлар Киевга ҳарбий ёрдам беришнинг секинлашуви низога сезиларли таъсир ўтказганини айтишмоқда.
Украинага Ғарб қуроллари етказиб бериши секинлашиши армиянинг ҳужум қобилиятини чеклаб қўйди. Бу ҳақда Америка урушни ўрганиш институти (ISW) маълум қилди.
Гап биринчи навбатда ялпи реактив ўт очиш тизимлари, ҳаво ҳужумига қарши мудофаа комплекслари ва танкларни етказиб беришнинг чўзилиши ҳақида кетмоқда. Ғарб мамлакатларида давом этаётган мунозаралар ва ишончсизлик муаммони чуқурлаштирган.
Шунингдек, Украинанинг ўзидаги сиёсий қарорлар ҳам ҳужум потенциалини пасайтирган. Экспертларнинг фикрича, 2022 йилнинг 24 февралидан 3 июлигача ташаббус Россия армиясида бўлган. Шундан кейин Украина фаоллашди ва августда йирик қарши ҳужум бошлади. Бу 11 ноябрь куни Херсонни озод қилиш билан якунланди.
Шундан кейин украиналиклар янги ҳужум бошлай олмади. Бу низонинг позицион урушга айланишига ва стратегик ташаббуснинг Россияликларга қайтишига олиб келди.
