“Арсенал” Маркиньосни “Норвич”га ижарага берди
Футболчи ижара асосида ўйнайди.
“Арсенал” ҳужумчиси Маркиньос жорий мавсум охиригача ижара асосида “Норвич Сити”га ўтди.
“Норвич”га қўшилганимдан жуда хурсандман ва клубдаги биринчи ўйинимда ўйнашни интиқлик билан кутаман. Инглиз футболи Бразилия футболига қараганда шиддатлироқ, аммо мен янги жамоамга ёрдам бериш учун мослашишга ҳаракат қиламан. Мухлислар қўлимдан келганини қилишимга амин бўлишлари мумкин”, - дея футболчининг сўзларидан клуб расмий сайти иқтибос келтирди.
19 ёшли Маркиньос жорий мавсум “канонирлар” сафида барча мусобақаларда бешта ўйинда майдонга тушиб, битта гол урди ва битта голли узатмани амалга оширди.
Чемпионшипда иштирок этаётган “Норвич” турнир жадвалида олтинчи поғонани эгаллаб турибди.
