“Энг яхши қарорни кейинги ой қабул қиламан”

 

“Реал”нинг испаниялик ҳимоячиси Хосе Игнасио Начо жамоадаги келажаги ҳақида фикр билдирди.

 

“Мадриддаги уйимда бахтлиман. Бу пул ёки бошқа нарса эмас, бу шахсий нарса. Очиғини айтмоқчиман, лекин ҳозир келажак ҳақида жавобим йўқ. Мен бу ерда бахтлиман ва клуб буни билади. Келгуси ойларда мен ўзим учун энг яхши қарорни қабул қиламан. Жамоага керак бўлган бир пайтда муваффақиятга эришганим рост. Энди мен ўзимни аввалгидан каттароқ футболчи деб ҳисоблайман. Мунтазам равишда машғулот ўтказишни хоҳлайман”, — дея Начонинг сўзларидан “Марcа” нашри иқтибос келтирди.

 

33 ёшли Начо жорий мавсумда барча турнирларда 18 та ўйинда майдонга тушди. У бутун фаолиятини Мадрид клубида ўтказмоқда.