“Манчестер Юнайтед” Фатига қизиқмоқда
“Барса” эса бу трансферни муҳокама қилишни хоҳламаяпти.
“Манчестер Юнайтед” “Барселона” вингери Ансу Фати билан шартнома имзоламоқчи. Бу ҳақда “Спорт” нашри хабар берди.
Шунингдек, 20 ёшли футболчининг эҳтимолий трансфери “Манчестер Юнайтед” учун устувор вазифа сифатида қаралаётгани қайд этилган.
“Барселона” ҳозирча трансферни муҳокама қилишга тайёр эмас, аммо ёзги трансфер ойнасигача вазият ўзгариши мумкин.
Қолаверса, Ансу Фати асосий таркибда етарлича ўйин ўтказмаяпти, бу эса футболчига ва унинг яқинларига ёқмаётгани хабар қилинган.
20 ёшли футболчи жорий мавсумда Ла Лиганинг 19 та ўйинида 3 та гол урди.
Европа лигасининг 1/16 босқичида “Барселона” ва “Манчестер Юнайтед” 16 февраль куни ўзаро тўқнаш келишади.
