“Барселона” ёзда Уэслини сотиб олишга ҳаракат қилади
Музокаралар давом этади.
“Барселона” раҳбарияти “Фламенго”нинг ўнг қанот ҳимоячиси Уэслини қўлга киритиш фикридан воз кечмаган. Бу ҳақда “Спорт.эс” нашри хабар бермоқда.
Уэслининг “Барселона”га ўтиши трансфер ойнасининг охирги кунида муваффақиятсизликка учради. “Фламенго” футболчини 1,5 миллион евро эвазига ижарага бериш вариантини таклиф қилди.
“Барселона” бу таклифни клубнинг футболчи билан хайрлашмоқчи эмаслиги сифатида қабул қилди. Клуб ёзда музокараларни давом эттиришни режалаштирмоқда. Уэсли “Фламенго” ёшлар жамоасида ўйнайди. Қайд этилишича, “Барселона” трансфер амалга ошса дарҳол Уэслини асосий таркибда машғулотларга олиб келиши мумкин.
Испания чемпионатининг жорий мавсумида “Барселона” “Реал”ни беш очкога ортда қолдириб, турнир жадвалининг биринчи поғонасида бормоқда.
