Фатига еттита клуб қизиқиш билдирмоқда
Улар орасида энг фаоли “Бавария” ҳисобланади.
“Барселона” ҳужумчиси Ансу Фатига еттита клуб, жумладан “Бавария” ҳам қизиқиш билдирмоқда. Бу ҳақда “Мундо Депортиво” нашри хабар бермоқда.
Мюнхенликлар бу футболчини жуда яхши кўришади, лекин клуб “Барса”га ҳеч қандай расмий таклиф билан чиқмаган. Фатига яна Англиянинг тўртта жамоаси, жумладан, “Арсенал” ва “Тоттенҳем” ҳам қизиқиш билдирмоқда. Футболчи сўнгги ўйинларда камдан-кам ҳолларда асосий таркибда майдонга тушмоқда. Топ-клублар бу вазиятдан фойдаланиб, Ансуни ўзига жалб қилишлари мумкин. Хави “Барселона” Фатини сотиш ниятида эмаслигини ва клуб футболчига ишонишини айтган.
Фатининг “Барселонa” билан шартномаси 2027 йилгача мўлжалланган. Товон пули 1 миллард евро. “Барселона” Испания чемпионатида “Реал”дан 5 очкога ўзиб кетди.
