“ПСЖ” Месси билан янги шартнома имзолаш арафасида
Луис Кампос бу ҳақида маълумот берди.
“ПСЖ” спорт директори Луис Кампос клуб ҳужумчи Лионел Месси билан янги шартнома борасида музокаралар олиб бораётганини айтди.
“Биз янги шартномани муҳокама қилмоқдамиз. Мен у биз билан ишлашда давом этиши учун лойиҳамизда бўлишини истардим. Агар у шартномани узайтирса, хурсанд бўламан”, — деди Кампос.
35 ёшли Месси 2021 йилнинг ёзида текин трансфер эвазига “ПСЖ”га ўтган эди. Аргентиналик футболчи жамоа сафида 58 та ўйинда 26 та гол урди ва 29 та голли узатмани амалга оширди. Томонлар ўртасидаги келишув жорий мавсум охирида якунига етади. Декабрь ойида Месси Аргентина терма жамоаси таркибида Қатарда бўлиб ўтган жаҳон чемпионатида ғолиб чиққанди.
