Иско “Коняспор” билан шартнома имзолаши мумкин

 

“Коняспор” испаниялик ярим ҳимоячи Иско билан шартнома имзолаши мумкин. "Марcа" нашрининг хабарига кўра, клуб раҳбарияти “Реал”нинг собиқ футболчиси билан ҳамкорлик қилиш имкониятларини ўрганмоқда. Шунингдек, футболчига Қатар клуби ҳам қизиқиш билдирмоқда. Бироқ, Исконинг Қатарга ўтиши даргумон.

 

30 ёшли футболчи январь ойида “Унион” билан келиша олмади ва “Севиля”дан кетганидан кейин ҳам эркин агент мақомида қолмоқда.

 

Жорий мавсумда Иско Ла Лигада 12 та ўйинда майдонга тушиб, 2 та голли узатмани амалга оширди.

 

Эслатиб ўтамиз, Иско “Севиля” билан 2022 йилнинг августида эркин агент сифатида шартнома имзолаган эди. Ўша йилнинг декабрь ойида испаниялик футболчи билан тузилган шартнома бекор қилинди. “Севиля” бош мураббийи Хорхе Сампаолининг сўзларига кўра, Иско шартнома имзолашда унга билдирилган умидларни оқламаган.