Бир вақтлар Месси ва Пике “Арсенал”дан жиддий таклифлар олишган
Клубнинг собиқ скаути бу бўйича маълумот берди.
“Арсенал”нинг собиқ скаути Френсис Кажигао клубга “Барселона”нинг собиқ ўйинчилари Лионел Месси ва Жерар Пике билан шартнома имзолашни тавсия қилганини айтди.
“Тўғри, мен Мессини “Барселона” тарбияланувчиси бўлганида сотиб олишни тавсия қилгандим. Пике эса базамизга ташриф буюрган. Нега натижа бермади? Мессининг ҳолати яхши эмас эди. Ҳамда у Англияда ўйнаш учун рухсатнома ололмади. Ўша пайтда унинг вакили бўлган Орасио Гагиоли билан бир неча учрашувлар ўтказдим, аммо бу натижа бермади. Пикенинг трансфери мураккаб бюрократик муаммо туфайли амалга ошмади. Якунда биз “Барселона” академиясининг ажойиб авлодларидан бири Сеск Фабрегас билан шартнома имзоладик”, — деди Кажигао.
