Клоппнинг “Ливерпул”дан кетиш вақти келдими?

 

“Ливерпул” клубидаги вазият ёмонлашмоқда. Жамоа Премьер-лиганинг сўнгги тўрт туридан учтасида мағлубият аламини тотиб кўришга мажбур бўлди. Клопп шогирдлари Англия кубогидан чиқиб кетишди. Бундан ташқари чемпионатда 10-ўринда бормоқда. Чемпионлар лигаси плей-офф босқичида клуб “Реал Мадрид”га қарши баҳсда қатнашади. Ўйин 21 февраль куни бўлиб ўтади. Шундай қилиб, кундан-кунга “Ливерпул”нинг ҳолати ёмонлашиб бормоқда.

 

Охирги ўйинда “Вулверхемптон”га учралган мағлубият мураббий Клоппга ҳам жуда салбий таъсир кўрсатди.

 

“Очиғи, ўйиннинг бошланиши даҳшатли бўлди. Биз иккита гол ўтказиб юбордик, бунга йўл қўймаслик керак эди. Лекин шундай бўлди ва биз 0:2 ҳисобида мағлуб бўлдик. Яхшироқ ҳимояланишимиз керак эди, аммо жамоамиз жуда пассив ҳаракат қилди. Нима бўлганини тушунтириб беролмайман. Аммо бунинг учун ҳеч қандай баҳона йўқ. Дастлабки 15 дақиқада шунчалик ҳафсалам пир бўлди. Буни тасвирлаш учун ҳеч қандай сўз топа олмаяпман”.

 

Мухлислар аллақачон ижтимоий тармоқларда “КлоппОут” хештегини ишга туширишган, аммо мухлисларнинг бош мураббийга бундай муносабати адолатданми?

 

Инсайдер Фабрицио Романо мураббийнинг атрофида бўлаётган ҳодисалар ҳақида қўшимча маълумот берди.

 

“Ливерпул” Клопп билан ишлашни давом эттирмоқчи. У билан биргаликда клуб ёзги трансфер ойнасига тайёргарлик кўрмоқда. “Ливерпул”нинг бу ёздаги устувор вазифаси ярим ҳимоя чизиғини кучайтириш бўлади. Улар бу зонада Джуд Беллинҳем ёки Метю Нунес билан шартнома имзоламоқчи. Клопп ўзгаришларни амалга ошириш ва “Ливерпул”ни юқори даражага қайтариш учун кўп ҳаракат қилмоқда".

 

Бу мавсумни сақлаб қолиш мумкинми? Чемпионлар лигасиничи? Кўпчилик ҳозирги воқеаларни Клоппнинг Германиядаги фаолиятига ўхшатишмоқда. 2008 йилда у етти йиллик бошқарувда клубни Бундеслигага қайтариш учун муваффақиятсиз уринишдан сўнг “Майнс”ни тарк этганди. Клопп бошқарувидаги Дортмунднинг “Боруссия”си ҳам мураббий билан шартномани еттинчи мавсумда якунлаган. 

 

Немис мураббийи ҳозирда “Ливерпул” бошқарувида ўзининг еттинчи мавсумини ўтказмоқда. Агар Фредерик Бегбедер футбол ҳақида ёзса, у албатта “Клоппнинг жамоалари етти йил яшайди” китобини чиқарарди. Лекин, аслида бу ғалати тенденцияга сабаб нима?

 

Голлар нисбати бўйича “Ливерпул” АПЛда 41,11 очко билан фақат “Арсенал” (41,26) ва “Манчестер Сити”дан (46,17) ортда қолиб, учинчи ўринда бормоқда. Агар биз фақат Англия чемпионатини оладиган бўлсак, сўнгги йилларда клублар ёмон ўйинлардан жиддий зарар кўргани ҳақида статистиклар мавжуд. Масалан, Граҳам Поттернинг “Брайтон” клуби 2020/2021 йилги мавсумда - 40 та гол уриб, жадвалда кутилганидан жуда паст ўринни эгаллади.  Шунингдек, 2019/2020 йилги мавсумда “Уотфорд” 36 та гол уриб, мусобақани тарк этишга мажбур бўлди.

 

“Ливерпул” бу мавсум 34 та гол урди. Бу жамоанинг ҳужумда яққол камчиликларидан бири. Аммо ҳужум чизиғзидаги муаммоларни инобатга олган ҳолда ҳам жамоа кучли ҳужум ҳажмини сақлаб қолмоқда. “Ливерпул” Премьер-лигада дарвозага умумий 336 бор зарба йўллаган. Аниқ зарбалар сони 113 тани ташкил этади. Бу бўйича жамоа “Ман Сити”дан кейин иккинчи ўринда бормоқда.

 

Агар Луис Диас ва Диого Жота соғ-саломат бўлганида ва ярим ҳимоя доимий ўзгаришларга учрамас эди. Унда “Ливерпул” ҳужумда янада кучлироқ кўринарди. Аммо бошқа жамоаларга нисбатан ҳозирги кўрсаткич жуда ҳам фалокатли эмас.

 

Юқори прессинг Клопп фалсафасининг асосий элементларидан бири бўлиб, унга ҳимоянинг мустаҳкамлиги ва ҳужумдаги тезкорлик ҳамоҳанг қурилган. Ўтган мавсумда “Ливерпул” босимнинг интенсивлиги бўйича Премьер-лигада энг яхшиси бўлди. Бу мавсум жамоа ушбу кўрсаткич бўйича атиги олтинчи ўринни эгаллаб турибди. Аммо бу фақат интенсивликни акс эттирувчи рақамлар.

 

Энг муҳими, пресссингнинг самарадорлиги. Прессингнинг иш бермаслиги жамоанинг жисмоний шакли ва индивидуал футболчиларнинг заифлашувига сабаб бўлади. Ўтган мавсумда Салоҳ, Ҳендерсон ва Трентнинг ўйинлаэридаги пасайишлар оғир кечди. Кўп жароҳатлар туфайли ўйин амалёти чекланган. Клоппнинг асосий футболчиларидан бири бўлган Садио Маненинг кетиши кучли таъсир кўрсатди.

 

Клоппнинг ўзи узоқ вақтдан бери умумий имкониятларнинг тугаши ҳақида гапириб келади. Клуб “Челси”га ўхшаб, таркибни кескин ўзгартиришга интилмаяпти. “Ливерпул”нинг шахсий компанияси “Фенwай Спортс Гроуп” президенти Майк Гордон янги инвесторларни қидирмоқда, спорт директори Жулиан Уорд эса ёзда кетади. Ҳаттоки трансфер ҳақидаги миш-мишлар ҳам Ливерпул атрофида у қадар фаол тарқалмаяпти. Афтидан, стратегия ўзгаришсиз қолади. Умуман олганда, бу стратегия ўз натижасини берди.

 

Энди Ван Дейк ва Жота умумий гуруҳдаги машғулотларга қайтишмоқда. Бунга параллель равишда “Ливерпул” мухлислари Нунес ва Коди Гакпо ўзларига сармоя киритган маблағни қайтаришни бошлашларига ишонишмоқда. Қолган олти ойда Клопп бузилган машинани тузатиши даргумон. Жамоа ҳам жисмонан, ҳам руҳий жиҳатдан чарчаган. “Ливерпул” ўтган мавсум охиригача тўртта соврин учун курашди.