Месси, Мбаппе ва Бензема: ким 2022 йилнинг энг яхши ўйинчиси бўлади?
FIFA 27 февралда футбол оламининг энг яхшиларини аниқлайди.
Аргентиналик Лионель Месси, франциялик Килиан Мбаппе ва Карим Бензема FIFA’нинг 2022 йилги энг яхши ўйинчиси унвонига даъвогар бўлди. Тақдирлаш маросими 27 февралда Парижда ўтказилади.
Месси ПСЖ таркибида ўтган йили Франция чемпиони ва суперкубок соҳибига айланди. Шунингдек, у бошчилигидаги Аргентина терма жамоаси Қатарда ўтган футбол бўйича жаҳон чемпионатида биринчиликни қўлга киритди.
Мбаппе жаҳон чемпионатида кумуш медаль эгаси бўлди. Шуниндек, у турнирнинг энг яхши тўпурарига айланди.
Бензема “Реал” таркибида ўтган йили Испания чемпиони, Кубок соҳиби бўлди, шунингдек, Чемпионлар лигаси ғолибига айланди. У УЕФА версиясига кўра, 2021/22йил мавсумларнинг энг яхши ўйинчиси бўлди. Шунингдек, France Football журнали версиясига кўра, “Олтин тўп”ни қўлга киритди.
