“Унинг “Бавария”га қарши ўйнаши шубҳа остида”
Парижликлар мураббийи Мбаппенинг ҳолати ҳақида гапирди.
“ПСЖ” бош мураббийи Кристоф Галтиер Килиан Мбаппенинг “Бавария”га қарши бўлиб ўтадиган Чемпионлар лигаси 1/8 финал учрашувида иштирок этишига шубҳа билан қарашини айтди.
“Мен Мбаппе ўйнамайди деб ўйламайман. Олдинда бошқа ўйинлар бор, биз унинг соғлиғини хавф остига қўймоқчи эмасмиз. Умид қиламизки, у муваффақиятли тузалиб кетади”, — деди “ПСЖ” бош мураббийи.
Эслатиб ўтамиз, Килиан Мбаппе 1 февраль куни Франция 1-лигаси доирасида “Монпеле”га қарши ўйинда чап сонидан жароҳат олган эди. “ПСЖ” футболчининг тикланиши тахминан уч ҳафта давом этишини айтган. Чемпионлар лигасининг 1/8 финали доирасидаги “Бавария” ва “ПСЖ” ўртасидаги илк учрашув 14 февраль куни бўлиб ўтади.
