АҚШ осмонида номаълум объектлар нега кўпайди?
Пентагон бунинг сабабини тушунтирди
Пентагон АҚШ осмонида аниқланган номаълум учар жисмлар сони нима учун кўпайганини тушунтирди.
Мудофаа вазирининг ёрдамчиси Мелисса Дальтоннинг айтишича, 4 февраль куни Хитой шарининг уриб туширилиши билан боғлиқ ҳодисадан сўнг ҳарбийлар Шимолий Америка устидаги ҳаво бўшлиғида кузатувни кучайтирган. Шу сабабли ҳаво ҳудудида кезиб юрган объектлар сони кўпайган. Яъни улар аввал ҳам бўлган, фақат ҳаво ҳужумига қарши мудофаа тизимлари радарларига тушмаган.
Дальтоннинг таъкидлашича, бу объектлар ҳар доим ҳам хавфли эмас ва уларни йўқ қилиш қарорлари "ҳаддан ташқари эҳтиёткорлик" билан белгиланади.
4 февралда АҚШ ҳарбийлари Хитой шарини Жанубий Каролина қирғоқларида уриб туширгандан бери Шимолий Америка осмонида яна учта объект аниқланиб, йўқ қилинган. Уларнинг қайси давлатга тегишли экани расман айтилмаган.
