Бу футболчилар “Бавария”га қарши ўйнайди
Парижликлар Чемпионлар лигасига тайёргарликни бошлаб юборди.
“ПСЖ” футболчилари Килиан Мбаппе, Лионел Месси ва Марко Верратти “Бавария”га қарши ўйинга тайёр бўлишади.
“Ле Парисeн” хабарига кўра, ҳар учала футболчи ҳам сешанба куни Чемпионлар лигаси плей-офф босқичининг биринчи ўйинида иштирок этади.
1 февраль куни “Монпеле”га қарши ўйинда жароҳат олган Килиан Мбаппе якшанба кунги машғулотларнинг бир қисмини умумий гуруҳда ўтказди. Чап сонида ноқулайлик сезаётган Марко Верратти ҳам умумий гуруҳда машғулотларга киришди. Лионел Месси ҳамон индивидуал тарзда шуғулланмоқда, бироқ душанба куни аргентиналик футболчи ҳам жамоа билан машғулотларга қайтиши хабар қилинган.
Шу тариқа, “Бавария”га қарши биринчи ўйинни фақат Рената Санчес ва Норди Мучиеле ўтказиб юборади.
