“Менинг юрагим улар учун уради”
Месси Туркия ва Суриядаги зилзила қурбонлари ҳақида гапирди.
Аргетина терма жамоаси ва “ПСЖ” ҳужумчиси Лионел Месси Туркия ва Суриядаги зилзила қурбонларига ҳамдардлик билдирди.
“Туркия ва Суриядаги ҳалокатли зилзилалардан жабрланган минглаб болалар ва уларнинг оилалари учун жуда қайғули давр. Юрагим улар учун уради”, — деб ёзди Месси ижтимоий тармоқдаги саҳифасида.
Шунингдек, аргентиналик футболчи ғамхўр мухлисларни зилзиладан жабр кўрган болаларга ёрдам беришга чақирди ва хайрия ташкилотига ҳаволани илова қилди. Аввалроқ, “ПСЖ” суперюлдузининг дастхати туширилган футболкаси хайрия аукционида сотилган эди. Аргентиналик футболчининг футболкасини сотишдан тушган маблағ ҳам зилзила қурбонларига ёрдамга йўналтирилади.
